之前都同大家提及過，今次呢個活動其實真係好特別，特別在於以往搞記者會都淨係俾記者玩，而普通人想體驗嘅話係要預約。由昨日 (15/12) 至明年 1 月 3 日期間，只要你到台北市三創生活園區 R407 櫃位，就可以玩活動中的六個內容，包括 「Apecture Robot Repair」、「Arizona Sunshine」、「Job simulator-Office」、「Secret shop」、「TheBlu」、「Tilt Brush」。而根據台灣 ePrice 版主表示，佢覺得 「Arizona Sunshine」最好玩，呢隻係一隻打喪屍嘅 Game，你要用你手上的手槍射低哂行緊埋黎啲喪屍，而且聲光效果一流，估計應該會幾刺激好玩。
▲ 體驗前會有專人幫你戴上 VIVE 同埋教你點操作。
▲ Job Stimulator Office，係一個職業訓練的虛擬實境。
▲ Tilt Brush 係一個繪圖應用，你可以拎住支畫筆在空氣中塗鴉。
如果你都想親身體驗一下 HTC VIVE 以上的遊戲內容，雖然現場有多組 HTC VIVE 裝置可以體驗，但每次體驗只限一個人，所以係需要排隊嘅，而且每次只能體驗以上六項內容中的其中一項，每次時間不超過 10 分鐘。如果你玩完想體驗其他遊戲，就要再排過隊。如果你無咁多時間排隊嘅話，咁就建議玩左 「Arizona Sunshine」同埋 「Tilt Brush」先，其他就玩到就玩，玩唔到就算。
HTC Vive 體驗之月資訊日期：
2015 年 12 月 15 日至 2016 年 1 月 3 日
時間：11 時至 21 時 30 分
地點：三創生活園區，櫃位編號為 R407（台北市中正區市民大道三段 2 號 4 樓）