版主實測網站掃毒
版主試過利用 VirusTotal 測試過幾個常見的大陸網站，發現不少常用的網站都有安全風險，當中可能係病毒﹐可能係木馬，可能係其他惡意程式。一般網友比較常用的網站，如 QQ、淘寶、百度等等，都發現存在安全風險，其中 QQ 網的風險比較大。不過當然唔係全部大陸網站都有風險嘅! 有部份的中國網站暫時黎睇都尚算安全，例如大家平時睇片可能會上的 PPS、愛奇藝等網站，初步掃描未發現有問題存在。
▲ 出現一個紅字即是有風險，2-4 個紅字表示風險比較大，5 個或以上代表風險好大。而結果顯示，淘寶、百度網都存在風險，但 QQ 網的風險相對比較大。
版主實測熱門 App 掃毒
至於平時大家常用的大陸手機 App，例如淘寶、微信、微博等等，情況又如何呢? 版主發現，呢啲手機 App 入面都存在着一定的安全風險。另外版主亦都特登測試埋前排比較 hit 的台灣 App - 17，又會唔會有問題出現呢? 一齊睇下!
▲ App 的情況看似比網站更為嚴重，所檢測到的安全風險更多。根據結果顯示，有三個防毒引擎判斷微博係有問題，代表風險比較大。
▲ 淘寶相對微博來說，好像感覺較安全，但依然存在風險。
▲ QQ 手機軟件似乎風險好大喎!
▲ 版主都特登走去測試埋早前好多人用的台灣 App - 17，其實風險都大。
以上的軟件其實都係在官方網站上下載，但都被 Google 整合的掃毒工具發現存在安全風險，所以如果大家平時有用開呢啲軟件的話，真係要小心，可能裝番個防毒軟件，或者「小心駛得萬年船」，直接刪左佢。如果你身邊有朋友都成日用呢啲軟件的話，咁你當然要分享俾你朋友聽，叫佢地小心為妙。當然，如果你擔心自己唔知有無咩野軟件係有安全風險的話，咁你可以上 VirusTotal 檢查一下！