1. 香港廣告 生力街 新年特篇恭喜
▲ 其實以前的廣告簡簡單單，只係大家坐低飲酒，互相祝福對方，但都已經能夠感受到果種 warm。
2. [經典電視廣告] 1989年 - 瑞士糖 過年收到瑞士糖 人人心花放
▲ 片中講述一家人去拜年，個個都好開心，臨尾果句「過年收到瑞士糖，人人心花放」，正是告訴大家，新年應該是喜氣洋洋的！
3. [經典廣告] 1987年 - 紅雙喜香煙 (農曆新年)
▲ 呢個係紅雙喜香煙的廣告，除左個背景音樂同埋兩句祝賀語之外，就差左少少新年的 feel。
4. 香港中古廣告: 恒生銀行(農曆新年小孩篇)1996
▲ 成班小朋友一齊同大家拜年，當中又要燒炮仗的情景，令人聯想番起以前果種熱鬧的氣氛。不過而家香港禁止燒炮仗，但都可以當懷念下。
5. [經典廣告] 1986年 - Calbee 卡樂B薯片 (新年快樂)
▲ 今日要講嘅係卡.......卡樂B薯片恭喜發財！（咁到底係想同觀眾講，定係同卡樂B薯片講呢
)6. 70年代經典 美源髮采 Piegon嬰兒用品 賀年廣告
▲ 不解釋，呢個相信大部份就算係八九十後都耳熟能詳的「超經典」電視廣告。
7. [商業廣告](賀年廣告)嘉頓(嘉頓禮品)(1997年)
▲ 內容都係圍繞去拜年、送禮、人人開心，比較貼身啲！
8. [經典廣告] 1986年 - 人人搬屋 (農曆新年)
▲ 「人人搬屋」呢間公司，相信好多人都無聽過。版主我都係讀書嘅時候，老師播番俾我地睇，我先認識。臨尾果句「人人搬屋公司同人祝各位......」先知原來係新年廣告，不過呢段廣告俾我的新年感覺就不太強烈。
9. [經典廣告] 1983年 - HSBC 匯豐銀行 (農曆新年)
▲ 雖然係匯豐的廣告，但其實你睇落去唔會覺得太有商業的感覺，因為成段片重點係拜年、逗利是，臨尾先「匯豐銀行向各位恭賀新禧」，無咁 hard sell。
10. [經典廣告] 1987年 - 東方日報 (謹祝各位新年進步)
▲ 以前東方仲有賣電視廣告，呢啲回憶真係夠哂經典！
版主睇番呢啲經典廣告片段的時候，真係覺得好懷念，細細個就已經聽住呢啲廣告大，可惜而家呢啲廣告只能作追憶。唔知大家睇嘅時候，有無啲咩感覺呢？