就在剛剛的時候，Easycall 易通電就在其 Facebook 網站上發文表示，因市場環境劇變，零售市場急速下滑，儲值卡業務服務被暫停。呢個消息來得好突然，而且相信會讓不少 Easycall 用家失望。Easycall 主要在深水埗一帶 SIM 檔發售，而且係有出本地 SIM，類似 One2Free 款式的高用量儲值卡，到近半年先推出左大量外遊 SIM，因為地點廣的關係，都吸引到不少用家。只可惜，一個月前有消息傳出，Easycall 突然把全線上網卡限速 384kbps，由四月一日起生效。然而未到四月一日，Easycall 更突然宣佈停業，到底當中發生左乜野事呢?
▲ Easycall 突然在 Facebook 上宣佈，儲值卡業務服務被暫停。
▲ Easycall 其實都有出本地 SIM，係類似 csl. / One2Free 果種的高用量儲值卡。
▲ Easycall 在近半年推出左大量外遊 SIM，除左以上韓國、日本、澳紐、澳門之外，其實仲有推出左好多其他地方的上網卡。
版主收到料，原來 Easycall 一直處於負債的狀態，所以最後逼於無奈需要停業。而 Easycall 將會在星期五前停用所有儲值卡，所以現有客戶就真係 GG 了，如果你想保留番現有的號碼，就需要即日速速轉台，如果唔係呢，你個號碼就會被 del。另外，如果你買左儲值卡但未用的話，咁就真係出大事，因為你都無得再用了。呢個消息對於網友們來說，大唔大鑊呢?
更多資訊：中國移動香港 3.18 外遊 SIM 大優惠，最平２折
來源：Easycall Facebook