打 Online Game 最重要係咩 ? 少 Ping 囉，當你少 Ping嗰陣落一個指令都快過人，用喺即時戰略或喺 FPS 遊戲到都好用好多，但往往有唔少 Game 連接嘅唔係香港嘅伺服器，而係海外嘅伺服器，往往打機嗰陣都要食好高 Ping，搞到打機嗰陣好容易俾人殺死。正正呢個市場有需要，網上行特此為打機用家推出左一個「打機神線」服務，務求用家喺打 Online Game 連接海外伺服器嗰陣，可以用更少嘅 Ping 去同人玩 Online Game。今次我用圖片介紹一下：
網上行「打機神線」
▲ 到底點樣去到咁少 Ping 呢，其實網上行利用自己嘅全球骨幹網絡同當地網絡公司及唔同嘅 Online Game 公司合作，從而降低 Ping 值。
▲ 網上行可以保證到嘅 Ping 值，當中包括主流嘅 Online Game 嘅海外 Server，亞洲區維持 50ms、北美就約 150ms 左右、歐洲就近 200ms，平時我打機無點玩過歐洲 Server嘅，但北美Server過往都過 200ms，家陣壓到 150ms 都算好吧。
▲如果做唔到個保證可以點 ? 網上行表明如果當日有連續兩個鐘都係超過保證嘅數值，只要 Screen Cap 以上嘅資料，交俾網上行處理之後，如查證屬實就會賠償當日嘅雙倍服務費。
▲ 家陣電腦節，網上行都就做緊個優惠，原價 $68 月家陣首六個月 $38 月，不過要享用「打機神線」大前提你要係網上行 1000Mbps 或 10Gbps 用戶。