講緊嘅係 3HK。之前版主就同大家提過，3HK 推出左聖誕手機 SIM 優惠，$108 Plan 簽 36 個月合約，免費送 12 個月月費，計番平均月費只需 $72，有 21Mbps，但就要「拍住上」，一個人開兩個 4G Plan。不過原來，唔單止手機 SIM 月費，就連家居寬頻都有類近的優惠，今次優惠的組合分別為「100M 極速寬頻 + 家居電話 + myTV SUPER」以及「1G 光纖寬頻 + 家居電話 + myTV SUPER」。
由即日起至 2017 年 1 月 15 日，凡選購「100M 極速寬頻 + 家居電話 + myTV SUPER」(原價 $138) 或者「1G 光纖寬頻 + 家居電話 + myTV SUPER」(原價 $188) 組合，並簽約 36 個月，即可額外豁免 12 個月月費，前者計番平均月費，只需 $92 咋！一百蚊唔使有 100M 上網，市面上又真係好少機會會見到，有嘅，版主見到網上行 Netvigator 站街公屋價都係 $98，價錢上唔差幾遠，不過就無送家居電話。計計埋埋，諗番起 3HK 呢個優惠又確實係幾抵嘅！
▲ 網上行 Netvigator 站街一直都做緊 $98，不過係 for 指定公居屋住戶，同埋唔會送家居電話。
另外，如果你買家居寬頻組合，同時申請 3HK 4G 21M SIM 計劃，亦都可以享有 12 個月月費回贈，咁就唔使話一個人要開兩個手機 Plan 咁麻煩。網友又覺得，呢個家居寬頻組合限時優惠，係唔係都幾值得用下呢？
按這裡了解詳情及登記