001：甚麼是快速支付系統「轉數快」？
快速支付系統，英文叫 Faster Payment System (FPS) 顧名思義就係一個可以令到支付更加快速的工具，為了令大家方便記住，金管局改了一個好易嘅中文名「轉數快」。以往要做到跨銀行轉賬，除咗要手續費，而且仲唔能時即時過數，好多時都要 2-3 個工作天的時間。而「轉數快」就打通哂銀行之間的過數程序，做到即使是跨銀行轉賬，對方都能夠即時收到錢 (如果收款的銀行有參與 FPS，理論上是即時，但仍需視乎收款銀行的運行方式)，令成件事更有效率。目前大部份跨銀行轉賬都是免手續費，只有小部份的銀行需要手續費。002：參與「轉數快」的機構有邊幾間？
| 銀行 | 儲值支付工具 |
| HSBC 匯豐銀行 | 八達通 O!ePay |
| Citibank 花旗銀行 | 快易泊 |
| 東亞銀行 | WeChat Pay （微信支付香港版) |
| 恆生銀行 | 支付寶HK |
| 渣打銀行 | Tap & Go (HKT Payment) |
| DBS | TNG |
| 大新銀行 | 僑達國際有限公司 |
| 中銀香港 | 全球付技術有限公司 |
| 交通銀行 | UniCard Solution Limited |
| 中信銀行 | 三三金融服務有限公司 |
| 中國建行 | |
| 集友銀行 | |
| 創興銀行 | |
| 工銀亞洲 | |
| 華僑永亨 | |
| 上海商業銀行 | |
| 南洋商業銀行 | |
| 永隆銀行 |
匯豐方面都表示，有計劃會將 Payme 都支持「轉數快」，但實際係幾時，則未能答實。
（2019 年 7 月，PayMe 會加入轉數快）
003：係咪一定要實名，先可以用到轉數快？
銀行本身開戶口的時候，都已經要登記哂個人資料、住址證明等等，所以對銀行用戶來說，呢個就唔算係甚麼大影響。不過，如果你係電子支付工具的用戶，包括 WeChat Pay，支付寶HK，八達通 OePay! 及 Tap N Go 等等，就要先進行實名程序，才能夠登記到轉數快。004：如何登記轉數快？
其實好簡單，只要去返你所用的銀行 App ，例如版主我自己用緊 HSBC，係設定果度就可以選擇登記轉數快，登記返你嘅電話號碼 / 電郵地址，就得。登記電話號碼的作用，係方便例如人哋要過數俾你果陣，直接入你電話號碼，就過到數俾你，唔使再特登問佢拎戶口號碼，呢點係方便嘅。如果你用緊支付工具，如WeChat Pay，支付寶HK，八達通 OePay! 及 Tap N Go ，多數是要升一級的會員，亦即是要實名，提供電話號碼 / 電郵地址及地址，身份證。你係第幾級會員，要否再提供資料，支付工具的 App 會話到比你知。
005：預設賬戶有乜用？
例如我係 HSBC 登記咗「轉數快」，佢會希望你將 HSBC 設定為「預設賬戶」，咁設定為「預設賬戶」有乜用？其實無，純粹係當其他人過數俾你果陣，啲錢會直接入落你預設的戶口。但你會問，咁我一個電話號碼，可能登記咗好幾個銀行喎，咁其他人過數俾你果陣，能唔能夠選擇唔過數去你 HSBC 戶口，過數去渣打銀行戶口，咁又得唔得呢？得，但麻煩，要收款人（即係你自己）先去返渣打 App 設定返預設戶口先得。（付款人在輸入對方電話號碼之後，只能看到收款人的預設銀行資料，不能夠自行選擇過數去哪一個戶口，這是一個麻煩的地方)
006：假設我的銀行／電子支付工具是用 987XXXXX 電話號碼登記，我是否只能用呢個號碼登記返「轉數快」？
是。不過，電子支付工具如 Tap & Go，是可以讓你在 App 內更新你的電話號碼，更新完之後系統會直接將你舊號碼的資料搬到新號碼，整個過程基本上是即時完成，到時只要再登記返 FPS 就可以了。007：有沒有過數額規定，以及有沒有手續費？(會繼續更新......)
| 銀行 / 支付工具 |
注意事項 |
| WeChat Pay | 由 1/10 起，綁定了信用卡的用戶，免費交易額上限為每月 $5,000，過咗上限會收取 2.5% 手續費 （即係當 WeChat Pay 做碌卡機）。而如果透過現金或銀行轉賬的話，則不用手續費。 |
| Tap N Go | - 每日消費 / 增值額上限為 $38,000 。 - 而每一筆過數上限則為 $6,000，例如朋友 A 要用 Tap N Go 過數 $18,000 俾朋友 B，因為每次只能過數 $6,000，所以只要重覆過數步驟 3 次，就過到。而過數並不計算在 $38,000 的消費 / 增值額內。 |
| 八達通 O! ePay |
O! ePay 比較複雜，我會分三種玩法來講： 1) 銀行轉賬至 O! ePay - 只適用於 O! ePay Plus (電話 / email 及身份證認證) 及 O! ePay Pro (電話 / email 及身份證 + 住址證明認證) 用戶 - 每次轉賬最少港幣 $50 - 每日最多轉賬 $1000 (不限次數) - 每個 O! ePay 只可以連結一個銀行戶口 (e-DDA 電子直接付款授權) 2) 由 O! ePay P2P 轉賬至其他銀行戶口 - 適用於所有用戶，包括 O! ePay Lite (只用電話 / email 認證) O! ePay Lite 每日上限 $3000 O! ePay Plus 每日上限 $6000 O! ePay Plus 每日上限 $10000 3) 由其他朋友戶口 P2P 轉賬至你的 O! ePay 帳戶 - 同樣每日上限為 $3000 / $6000 / $10000 |
| 支付寶HK | 暫時推廣期間就不用收 charge，之後就視乎市場情況 |
| 中銀香港 | 每日透過轉數快過數上限 $1,000,000，毋需手續費。 過數金額 $10,000 樓下需進行一次認證，而過數 $10,000 樓上則需要進行雙重認證。 |
| 匯豐 | 支持小額轉數快過數，上限每日 $10,000，免手續費。, |
| 恆生 | 免手續費 |
| 星展銀行 | 免手續費 |
| 工銀亞洲 | 免手續費 |
| Citibank | 每日上限 $1,000,000，免手續費。 |
| 東亞銀行 | 免手續費 |
008：申請轉數快要幾耐時間?
即時登記，即時完成。「轉數快」快速支付系統 ／FPS 攻略
懶人包！香港人一定要識！一文即懂用「轉數快」過數立即登記「轉數快」FPS！ 一文睇晒銀行、電子錢包優惠
「轉數快」FPS 係咪咁方便？3 個你要知嘅麻煩與問題
鬥 WeChat Pay，飛甩「支付宝」！香港人返大陸可用支付寶 HK！
免出門！唔使搵 7-11！用「轉數快」三步銀行轉賬至八達通