故事是咁的：一個風和日麗的下午，正當 本 YK 係公司嘆緊下午茶時，某某朋友突然問我身在何處，本人如實告之，然後就發生對話如下：
▲ 各位網友都知道樂於助人的 me 肯定好樂意協助朋友驗證，所以拿拿聲打開個 SMS 睇睇到底乜玩法。
▲ 一打開個 SMS 睇，奇怪喔，點解會變成 me 的 Whatsapp 代碼？ 仲提醒 me 唔好同人分享代碼！？嘿嘿。
於是我就叫呢個「朋友 」打電話過來，果然無反應。。。 所以我打過去，朋友一聽電話就哭訴自己 Whatsapp 比人搶走左，然後再問深入少少，佢朋友圈（其實都係 me 的朋友圈子）裡面已有幾個人中伏：比左個代碼出去、幾秒鐘就失去 Whatsapp 賬號控制權，其他轉錢比騙徒的朋友又有，然後騙徒就會利用下一個。皆因「 香港人的熱心」被利用了。
本 YK 知道唔少 ePriceHK 讀者非常聰明、又有智慧，遇到呢類騙案肯定唔會中伏。但一般中伏係老人家、老豆老母、最愛睇長輩圖的長輩們，作為年輕有愛的新一代，好應該提醒下佢地小心中伏，避免佢地的損失導致我地的損失。因為呢類案件，難聽 D 講你報警都係無用，警察都幫唔到你幾多，預防 + 自救先係皇道！
咁可以點樣防止呢類慘劇發生？ 唔好比任何資料「 朋友」，包括密碼、驗證碼。亦唔好利用 即時通訊軟件發送銀行資料，哪怕係熟悉的人。 真係有必須發相關資料，對方收到後最好刪除埋對方的記錄。
如果身邊的用家對呢類警覺性唔高的話，記得幫佢地的 Whatsapp 設定 Two-Step verification ( 雙步驟驗證 )，加多一個得你知的密碼，騙徒就好難搶賬號。 得閒就裝多幾個通訊工具，例如 Telegram 之類。咩話？ 用 Wechat 點算？ 呢種 App 放棄治療吧。