香港首間純 Online 保險公司
Bowtie 呢間公司其實係「保泰人壽」嘅品牌，有大保險公司永明金融注資，仲有 Bowtie Tseng 曾俊華作顧問。佢哋仲係首間香港得到虛擬保險公司牌照，即係全個保險業務都係 Online 攪。介紹完畢，佢哋有乜 offer ? 暫時嚟講，就係「自願醫保」計劃，仲要主攻最平價，最基本嘅「標準計劃」。Bowtie 嘅自願醫保標準計劃，佢哋高層係記者會透露，男士 35 歲非吸煙者為例，最平做到 $149 保費一個月。
政府核實嘅「自願醫保標準計劃」，大家都知係 「賠」唔晒你嘅大病醫療支出。Bowtie 出左一招，BowtieCash。BowtieCash 系乜，你當佢係回贈。其他保險公司，可能當你每日做運動去某一個指標，會減你保費；而 BowtieCash 係補貼係「自願醫保」計劃 cover 唔到嘅賠償。例如你不幸要接受一項大手術，埋單計埋「自願醫保」計劃保險，你要貼 $2000，而你又有 BowtieCash $2000 嘅話，咁就剛剛可以補到底。但點樣賺到 BowieCash 暫時未公佈，只係,,,,,,
即日起至 6 月 30 日，首一千名投補成功者，即有 BowtieCash $5000。
適合年輕健康人士
老實，呢款純 Online 保險好唔好用？首先，你要明白，「自願醫保標準計劃」係好基本嘅醫保，唔會 Cover 晒你入醫院全部開支。另外，上面所講嘅二百蚊唔駛嘅保費，其實會年年加價。因為 Bowite 暫時都係無合約，佢真係可以年年加價唔知加成點，呢項係風險。另外，投保嗰陣，雖然只係不停答問題，但若果你身體曾患病，做過手術，甚至最近睇過醫生，都有可能影響佢地嘅 AI 系統對你評估，最後保費未必如你想像咁平，甚至唔受保。當然，你又不能講大話，否則 cliam 唔到錢。版主本試過參予投保問卷，結果都是出不到報價，可能因為版主身體都係差個類，更係某一條問題，back 過番轉頭，想清楚作答，要再同佢地聯絡，可能想投保，但被拒。結論係，若你年輕又健康，可以考慮一試。但你年輕又健康，會否感受到有買保險嘅需要，又另一件事。參考網址：可 Click 呢度