昨日凌晨一點，蘇寧網店出事，誤將貨品價格變成一折出招，事件維持了約一小時。而有網民發現到之後，就在討論區熱烈討論，最終大家都相當擁躍地，掃咗好多貨。版主睇過，以蘇寧賣緊嘅大陸直營銷售貨品數量去估算，賣出過萬件相當有機會，而且當中的貨品仲包括耳機及 harddisk 等高價商品，今次的失誤有機會令蘇寧損失幾十萬之多。
▲ 以上圖片轉自 LIHKG 討論區。
▲ 網店亦加入了聲明。
損失咗咁多，你估蘇寧肯唔肯承擔責任，會唔會學 HTC 咁做找數真漢子，抑或縮沙走數呢？如果真係肯找數，當然就算係大陸公司，都要讚一讚下啦！但如果走數，成功買到貨嘅網友，又肯唔肯就咁放過佢呢？不過版主估計，蘇寧肯找數嘅機會好微，再唔係就學豐澤咁送 coupon 了事～ 你估結果會係點？有進一步消息版主會再同大家分享一下。