為咗拎着數，相信唔少人都有申請多過一張信用卡。不過，有時想用 VISA 卡但又驚容易洗凸咗，你可以考慮 VISA 預付卡。最近全球付 VISA 預付卡正式登錄 OK 以及 7-11 便利店，幾錢一張，又有甚麼要注意？看下文吧！
全球付 VISA 預付卡登陸 OK、7-11 便利店
全球付 VISA 預付卡正式登錄 OK 以及 7-11 便利店，有兩個價錢，分別為 $168 以及 $538，前者含有 $100 儲值額，$68 為行政費不會退回；而後者則含有 $500 儲值額，行政費則少啲，$38。一旦用完卡內餘額，你可以進行增值，但要注意的是，這張 VISA 預付卡只支持一種增值方式，就是透過轉數快增值。
甚麼人適合使用？
唔想申請信用卡，擔心容易洗凸，或者唔想帶咁多現金出街，又想享有 VISA 優惠嘅人，可以考慮呢張全球付 VISA 預付卡。
購買後必做：下載 App
當你購買這張全球付 VISA 預付卡後，第一步你要做嘅事，係先下載一個叫「GlobalCash M. Walle」嘅應用程式，登記咗預付卡嘅資料，先至可以用到入面嘅餘額。而呢張預付卡如果未實名，只限本地消費，重複增值最高每年上限 $25000。而購買呢張全球付 VISA 預付卡後，你就可以享盡 VISA 嘅購物優惠。
性質跟 Tap & Go 類似
其實呢張卡性質有點似 Tap & Go，不同嘅係，Tap & Go 支持 mastercard 或者銀聯卡，而呢張就係一張 VISA 卡，有齊呢三張，無論係 mastercard、VISA 定係銀聯卡嘅優惠，你都可以享受到。你又對呢張全球付 VISA 預付卡有無興趣呢？
