2024 年底前美國之外有得買
根據彭博社嘅 Mark Gurman 引述嘅消息來源，而蘋果正討論將英國同加拿大作為首批獲得呢款混合現實頭戴式設備嘅國際市場，預計係到 2024 年底，但係「最後決定仲未定」。蘋果亦同時考慮將 Vision Pro 喺之後帶到歐洲同亞洲，蘋果嘅工程師都正努力將呢款設備本地化到法國，德國，澳洲，中國，香港，日本同韓國。而喺報告中提及，蘋果將會喺2024年初經由美國線上商店推出 Vision Pro，之後再將銷售範圍擴大。但依照呢個安排，相信香港有得買 Vision Pro 都要到 2025 年。要預約，仲要去 Apple Store
據講，蘋果已經開始準備喺美國零售發售 Vision Pro，喺店內將設立特別區域，讓客人可以先熟習呢部價值 3500美元嘅新設備。初期大部分商店都可能只會有一兩部試用機，因為供應量有限，設備價格高，同時蘋果都會預備多款尺寸嘅頭帶同光學封密。Apple 將喺店內設立特定區域，提供座位、頭戴式設備試用單位，同為買家提供度身訂製配件嘅工具。雖然呢款產品將會喺蘋果喺美國大約 270 間店鋪進行銷售，但係公司計劃初期只喺主要地區例如紐約同洛杉磯先設立 Vision Pro 專區，之後再全美國推廣。
要先交遠近視度數等資料
根據 Mark Gurman 嘅報導，蘋果要求預約先可以購買 Vision Pro，同佢哋2015年對 Apple Watch 採用嘅策略一樣。喺預約時段內，工作人員會確保調教至最適合用家，而且用家會被要求提前通過網上門戶提交近視、遠視等度數資料，以便安排合適嘅鏡片。蘋果同時都喺開發一個 iPhone app，用來掃描用家嘅頭部，另外仲有一個實體機器用來計算相似嘅測量數據。 Mark Gurman 補充指出，因為複雜嘅供應鏈物流問題同訓練員工處理設備並為客戶提供諮詢服務嘅需要，至少到202 年蘋果與會與第三方零售商合作銷售 Vision Pro。
來源：MacRumors