Google 喺 13／7 宣佈，Bard 已經支援好多種語言。最新更新中新增咗 43 種語言，包括阿拉伯文、丹麥文、法文、德文、印地語、西班牙文、葡萄牙文同埋中文，仲要係繁體及簡體！而 Google Bard 更加可以係全世界 230 個國家或地區使用。 中文地區有台灣、馬來西亞及新加坡。係呀，無香港份呀，無澳門份呀，無中國份呀！不過，都係 expected 架啦。似乎，香港人要唔連線 VPN 下，用到呢類 AI 人工智能聊天機器人，就要用二線服務，包括咗 Bing 同埋 POE Click 入連結，就有介紹！
除咗開放及不同嘅地區人士使用，Google 仲為 Google Bard 升級，有幾個仲新功能。
001： 可以打釘固定同重新命名 Bard 頁面左側列出嘅對話列表，002： 可以用聲音聽取輸出的答案 （但佢唔識講廣東話)
003： 大家可以 Share Google Bard 輸出嘅連結。
004: Google 加入了類似 Google Lens 嘅功能。把圖片 upload 俾 Google Bard，聊天機器人可以描述圖片，甚至可以為圖片創建字幕。此功能目前僅喺英語中可用，但 Google 承諾佢最終會喺更多語言中可用。
可以用中文問嘢
聊天紀錄可以改名咁香港都用唔到，關鬼我哋事咩！其實又唔係，因為佢登記方式，係十分簡單。首先，要有 VPN！ePrice 推介 NordVPN，若果你未有，按呢度申請會有優惠，一年都係幾百蚊！然後，用番你用開嘅 Email，以 VPN 連線任人一個非中國嘅地區，再進入呢度，按試用，再答幾條條款，就用得啦！
若果你未申請 Bard 會見到呢一頁
按試用後，會見到條款
同意咗就用得到！但記住要用 VPN，佢會 Check 住你ePrice.HK 同你齊齊學 AI : 按呢度進入 AI 大時代專頁，每日送上最強 AI 消息及工具測試
玩咗 Threads 未！立即 Follow 我哋，有係網站睇唔到嘅科技廢文分享
來源：Gizmodo