$99 就有水冷機！4000mAh 大電室內 / 室外用都得！
其實睇返市面，例如 HKTVmall 嘅賣價，BINGGUI BP32s 都要賣 $228，但最近有香港代理就為呢款水冷機清貨，只需 $99 就買得到，而呢款水冷機整體設計，比較適合喺家中或者辦公室使用，喺大熱天時開住冷氣都唔夠涼嘅情況下，多部水冷機做輔助，都係一個唔錯嘅選擇。今次同大家開箱嘅 BINGGUI BP32s，本身都有多種顏色選擇，包括白色、粉色、綠色、黑色，而我手上呢部係白色，比較鍾意簡簡單單嘅我使用。呢款水冷機機身尺寸為 180 x 130 x 140 mm，重量約 880g，支持 Type C 充電，而且內置 4000mAh 大容量鋰電池，意味着你唔一定要喺屋企或者辦公室使用，平時拎出街都可以用，但當然真係拎呢部嘢出街嘅機會唔多，倒不如拎部手持風扇仔，除非一種情況，就係一家大細去野餐，咁都可能會用得着。
而使用方法其實都相當簡單，首先當然你要確保有電，而隨機會附有兩個製冰盒，你可以加水落製冷盒放去冰箱，製成冰粒，之後只要將水或者冰，放入去水冷機 180ml 嘅水箱，液體就會變成氣體並蒸發，散發出冷空氣。當然，你都可以唔加水或者冰，直接當風扇用，但雖然佢有三檔風力，前方有 LED 顯示屏顯示用緊邊個檔位，並且支持 UV / 暖光燈，不過我個人就會覺得風力唔算十分夠，但一般室內用都係相當舒服。
另外，水冷機支持 120 度自動左右送風，並且用上百葉窗設計，可以上下 60 度手動調風向，風扇裡頭嘅底部，會有吸水海綿，會將頂部水箱漏出的水份吸掉。而比較抵讚的是，呢款水冷機算係比較安靜，可能風力唔會太誇張，所以都唔會有咁大噪音。
最後，就畀大家睇下呢部 BINGGUI BP32s 開箱 + 外觀
▲ 包裝盒係咁。
▲ 背面有少少呢隻水冷機嘅資料，例如佢個型號、尺寸、重量、水箱容量等等。
▲ 拎出嚟外觀係咁樣，平時用電腦放喺隔離吹住自己，有少少風都幾舒服涼爽。
▲ 側邊有兩個掣，一個就係用來調節風檔、開啟紫光燈等等，而另一個係用來設定左右自動轉、開啟暖光燈等等。
▲ 當你開啟咗之後，前面個 LED 屏幕會顯示現時嘅檔次係幾多。
▲ 跟機仲會有兩個製冰器。
▲ 你可以揭開上蓋，將製冰器連冰放進去，亦可以直接把水倒到水箱中，水箱容量為 180ml。
▲ 水冷機背面會有 Type C 插槽，可以用來插住使用，或者充電之後無線使用。
▲ 側面可以讓你打開更換海棉。
▲ 如果用咗紫光燈，效果就係咁樣。
香港代理聯絡：Peng Bo HK Limited (鵬勃電子有限公司)