Amazfit Helio Ring 建議零售價 + 上市資訊
首先同大家報個價先，Amazfit Helio Ring 智能戒指提供咗三種尺寸，分別為 8 號、10 號同埋 12 號，適合唔同粗幼手指嘅用家佩戴，不過版主現場上手試過，即使最細嘅 8 號，都係唔啱我，睇嚟係我手指太過幼了，就算插入手指公，都係有啲鬆。Helio Ring 將於 8 月 21 日喺香港 TechLife by fortress 門市及網店，以及 Leader.com.hk 網店獨家優先發售，建議零售價為 $2298。由即日起至 9 月 30 日，首 50 位購買的客戶更可額外免費換領 Oladance OWS2 開放式可穿戴立體藍牙耳機 (價值 $1298)。
Amazfit Helio Ring 運動健康監測大師 支持 10ATM 防水 + 4 天續航
Amazfit Helio Ring 採用防敏感鈦合金材料，厚 2.6mm，重 3.65g，可以讓一般用家 24/7 持續監測個人身體狀況及睡眠，配備多個精密感應器，配合專用應用程式 Zeep 嘅人工智能演算法，可協助用家全面掌握各項生理及心理指數，提升訓練效率以及減少傷患。另外，Amazfit Helio Ring 具有強大的睡眠及健康監察功能，包括高級睡眠監測、壓力和情緒跟踪、全面的恢復分析以及運動表現指標，同時內置先進的感應器，包括 PPG 生物辨識感應器、6 軸加速計、溫度感應器、 皮膚電活動 (EDA)，可以追蹤心身狀況，如心率、血氧、壓力水平、心率變異性 (HRV)、靜息心率 (RHR) 等等，一方面可讓運動愛好者了解訓練強度是否足夠，更可避免過度訓練，在適當時間休息，減少受傷風險。
Helio Ring 支援手動開啟記錄 4 種運動類型，包括跑步、健走、騎行、跑步機，並具備 10ATM 防水能力，意味可以沖涼都戴住，亦可以進行游水、潛水等水上運動，最高防水深度達 100 米。內置電池足夠持續運作約 4 天，最快 1 小時 40 分鐘完成充電，支持無線充電功能。
