堅固 Gorilla Glass 屏幕，堅固耐撞
LRT 宣佈正式推出 Amazfit 新一代旗艦智能手錶 Amazfit T-Rex 3，集堅固耐用、功能強大於一身，並且有超強續航能力。設計上換上好大轉變，其中錶殻換上堅固 316L 不鏽鋼物料以及全新八角形設計，同時配備 1.5 吋 AMOLED 高清觸控式屏幕，比上代增加 16%，最高峰值亮度可達 2000 nits，比上代提升一倍，在任何環境下都可以清晰看到屏幕上嘅內容，例如運動數據以及地圖資訊等等。另外，屏幕亦支持手套觸控操作，配合錶身 4 個實體鍵，可以更快速方便進行各種設定。全新夜間顯示模式可隨用家個人喜好，設定為紅、綠、橙等搶眼色彩。此外，手錶屏幕以 Gorilla Glass 保護，提升堅固耐撞程度。
支持運動記錄 + 地圖下載功能
此外，Amazfit T-Rex 3 更係運動愛好者嘅最佳拍檔，支持超過 170 種運動記錄功能，除咗熱門運動如跑步、單車、游水、肌肉訓練等等，更包括自由潛水、衝浪、跳傘、滑翔傘等，並配備圓極化 GPS 天線，能接收 6 枚衛星系統以及支援雙頻定位訊號，令定位更快更準。手錶支持免費地圖下載及導航功能，用家可以包含地貌資訊或詳實熱門滑雪地點地圖下載至手錶，配合匯入 GPX 路線功能，可透過屏幕得知自己實時位置，配合藍牙耳機，更可聆聽系統發出清晰語音轉向指示。支持超強續航能力，長達 27 天
續航能力係呢隻手錶一個重要嘅賣點，Amazfit T-Rex 3 續航能力相當驚人，內置 700mAh 電池，一般日常使用下可持續使用 27 天，可減少經常要為手錶充電嘅需要，即使喺 GPS 自動記錄模式下，都可以連續使用超過 114 小時；如啟動 GPS 省電模式，最長使用時間更可達 180 小時。錶身堅固度也達到軍用級別，即使面對極端酷熱嘅 70 度、嚴寒嘅 -30 度、潮濕或者震動顛簸嘅環境，都可以正常運作。可與不同 App 同步健康資訊
Amazfit T-Rex 3 配備新一代 BioTracker PPG 光學感應器，可為用家提供 24 小時監測血氧飽和度 (SpON)、心率以及壓力水平，根據收集到嘅數據評估「身心準備度」(Readiness) 及壓力指數，減低因狀態不佳或身體未完全恢復下進行運動訓練而受傷或出意外嘅風險，並會將所有收集嘅健康資訊與 Zepp App 進行同步，亦可隨個人喜好與 Strava、Apple Health 或 Google Fit 同步。具有 AI 元素，內置 32GB 特大容量
個個都講 AI，呢隻智能手錶一樣有唔少 AI 元素，例如專為運動員設計嘅 Zepp Coach，為用家提供個性化訓練計劃和指導，而 Zepp Flow AI 智能助手亦可讓用家以簡單自然語音指不，完成回覆訊息、設置提醒等操作。另外，手錶亦內置 32GB 特大儲存空間，可以音樂下載到手錶，就算無手機喺身邊都可以透過藍牙耳機聽歌。香港賣價 + 上市資訊 + 早鳥優惠
最後價錢方面，Amazfit T-Rex 3 建議零售價為 $1998，有縞瑪瑙 (Onyx) 及溶岩 (Lava) 兩種配色選擇，前者在 9 月 11 日起香港優先推出，後者則會喺 10 月推出，建議零售價為 $1998。Amazfit T-Rex 3 首次附帶一個免費錶帶更換工具套件，用家可以自行輕鬆換錶帶，由即日起至 10 月 31 日，首 200 名買家可額外換領價值 $268 嘅 Amazfit 原廠超輕尼龍錶帶一套，送完即止。