
時尚外觀 × 實用設計,任何場合都啱用
AMAZFIT Active 2 用上 1.32 吋高清 AMOLED 屏幕,峰值亮度高達 2,000 nit,即使喺陽光底下都睇得清清楚楚。錶身採用不鏽鋼材質,搭配流線型圓形錶盤,無論係日常出街、返工定運動,都能輕鬆配搭。Premium 版仲用咗耐刮嘅藍寶石水晶玻璃,耐用度再升級。透過 Zepp App,用家可以下載超過 400 款錶盤,甚至上傳個人相片自訂,型格同個性兼得。
▲ AMAZFIT Active 2 包裝盒。

▲ 圓形錶面設計。

▲ 手錶有普通版同藍寶石版,表面睇兩隻錶外觀差不多,如果要分辨都唔係分唔到,可以留意手錶嘅邊框,普通版係光面,而藍寶石版係磨砂面。

▲ 手錶背面會有傳感器。

▲ 錶扣寫着不鏽鋼。

▲ 磁吸式充電。

▲ 重量僅有 42.5g。

▲ 有黑色以及橙色錶帶選擇。
164+ 運動模式 + HYROX 官方認證
AMAZFIT Active 2 支援超過 164 種運動模式,包括跑步、游泳、單車等基本運動,仲有近年大熱嘅 HYROX 跑步體能混合賽事模式。作為 HYROX 體能耐力賽嘅官方計時夥伴,手錶內置專屬競賽模式,支援單人、雙人同團隊接力訓練,幫你喺比賽中精準追蹤表現。嚟緊 7 月 26 至 27 日喺香港亞洲國際博覽館舉行嘅 HYROX 香港賽,Amazfit 仲會設展攤,等你現場試玩最新產品。除此之外,手錶仲可以自動識別 25 種負重訓練動作,透過陀螺儀智能記錄次數同組數,數據直接同 Zepp App 同步,仲可以連繫 Strava、Apple Health 或 Google Fit,運動數據一覽無遺。
精準定位 + 離線導航
AMAZFIT Active 2 配備 5 個衛星定位系統同內置圓極化天線,定位又快又準。支援免費地圖下載同導航功能,用家可以將地圖同 GPX 路線匯入手錶,實時睇到自己位置,唔使擔心跑錯路。如果配搭藍牙耳機,仲有語音轉向提示,跑步同越野都更加輕鬆。操作方面,手錶有兩個實體按鈕,一鍵開啟運動模式或應用列表,簡單易用。10 日續航 + AI 健康監測
電池續航係智能手錶嘅重要一環,AMAZFIT Active 2 喺日常使用下可達 10 日超長續航,手錶搭載 2LED + 5PD BioTracker 6.0 生物感測器,提供精準心率同睡眠數據。新升級嘅 RestoreIQ™ 睡眠算法 仲會分析你嘅身心準備度 (Readiness),幫你調整運動計劃,降低受傷風險。內置 AI 語音助手 同 Zepp Coach 提供個人化訓練建議,而 Wild.AI 迷你應用程式則針對女性用家嘅生理周期,畀運動同飲食建議,全面照顧唔同需要。
香港上市資訊 + 優惠
AMAZFIT Active 2 分為兩款版本:Sport 版(黑色矽膠錶帶):HK$898
Premium 版(藍寶石玻璃 + 黑色真皮錶帶附送紅色矽膠錶帶):HK$1,098
即日起至 5 月 31 日,頭 100 名購買 Active 2 嘅客戶免費換領價值 HK$198 嘅原廠運動矽膠錶帶,先到先得!仲有,買 Active 2、T-Rex 3 或 Bip 6 嘅用家,可以免費參加價值 HK$350 嘅 HYROX 攻略坊,由專業教練指導比賽技巧,完成課程仲有機會拎 Amazfit x HYROX 限量禮物包,名額有限,送完即止。
同場加映:AMAZFIT Bip 6 入門之選
除咗 Active 2,Amazfit 仲推出咗入門款 Bip 6,配備 1.97 吋 AMOLED 屏幕、14 日續航同 140+ 運動模式,建議零售價只係 HK$628,適合想試玩智能手錶嘅新手。
▲ Bip 6 外觀。

▲ 側面。

▲ 錶背傳感器。