小米 Mi Watch S3 智能手錶大減價！蘇寧網店半價清貨，性價比超高？
左定坤 (Cho Ting Kwan)
2025-04-17 17:40
|
科技新知
對於版主呢啲平時唔做運動嘅人嚟講，智能手錶最主要嘅用途，除咗係用嚟襯衫，更多係監測睡眠質素或者睇時間收訊息。而續航能力係我最關注的地方，我需要嘅，從來唔係一隻功能超齊全的手錶，而係一隻唔使成日叉電嘅手錶。當然，都唔可以太醜樣，同埋唔好咁貴啦！最近留意到，有網店將一款小米舊代智能手錶半價清貨，只需 $449 就買到。想知詳情，睇下文啦！
網店半價清貨！小米 Mi Watch S3 $449 有交易
說的是小米的 Mi Watch S3，最近留意到蘇寧網店將呢隻舊代智能手錶減價，由建議零售價嘅 $899，最新賣價為 $449，計起上嚟即係差不多半價賣！比較返小米香港官網，賣價都仲係要 $699，而豐澤網店更一蚊都無減，仲係標價 $899，咁似乎蘇寧呢個價錢，都算係幾吸引，唔知又吸唔吸引到網友入手呢？
小米 Mi Watch S3 賣點
小米 Mi Watch S3 係一部集功能同外觀於一身嘅智能手錶，性價比極高。以下係佢嘅主要特色：
- 1.43 吋 AMOLED 屏幕：高解像度顯示，色彩鮮艷，戶外陽光下都睇得清楚。
- 150+ 運動模式：支援跑步、游水、瑜伽等多種運動，仲有專業運動數據追蹤，適合健身愛好者。
- 雙頻 GNSS 定位：內置 L1+L5 雙頻定位系統，無論係行山定跑步，定位都更快更準。
- 全面健康監測：支援心率、血氧、睡眠追蹤等功能，幫你隨時掌握健康狀況。
- 15 日超長續航：486mAh 電池，充一次電可以用足半個月，唔使成日擔心無電。
- 可更換錶圈設計：靈感來自傳統手錶，支援更換不同風格嘅錶圈，仲會自動切換專屬錶面同動態音效，個性化十足。
- 高級材質：錶圈用高級不鏽鋼製造，耐磨耐腐蝕，質感同耐用度一流。
- 廣泛兼容性：支援 Android 8.0 及 iOS 13 或以上版本，無論你用咩手機都用得。
按這裡有購買連結
