![螢幕快照 2014-11-18 上午11.44.32.png //timgm.eprice.com.hk/hk/nb/img/2014-11/18/23316/unrealandy_3_1142_1d51d77bcb42762476643fbb38897807.png](http://timgm.eprice.com.hk/hk/nb/img/2014-11/18/23316/unrealandy_3_1142_1d51d77bcb42762476643fbb38897807.png)
HKTV 香港電視相關資料:
3G 都睇到! HKTV 開台最少用 1Mbps 速度開機半分鐘即睇 HKTV ! smartHKTV 機頂盒詳細試、簡單睇
HKTV Android 手機+平板 Apps
iOS 版 HKTV Apps 下載+版主體驗談
版主推介!五舊水 Android 平板睇 HKTV
問題一:香港電視 HKTV 幾時開台?幾點開始有得睇?
答:睇標題都知道,香港電視將會係 11 月 19 號開台,而正式開台既時間就係早上 6:00 ,由個陣時開始就可以係香港電視既「點播頻道」以 Video on demand 既方式睇到《選戰》同埋《警界線》,亦有一些外購節目好似《魔法少女小圓》、《魔 B 爸 B 》等動畫可以睇,不過直播頻道就由 20:00 開始有開台禮,再直播《警界線》。不過點播頻道要用電腦、手機或平板 Apps,若果你係用 TVBox 或者智能電視,就要等到八點睇直播。版主建議係咁,後生愛用手機,早上,午飯睇劇無問題,夜晚為了表示大家終於「有得揀」,記得把屋企電視機,都直播 HKTV,用亞媽,亞爸,全屋人再睇多一次。有 D 電視台,係無收視,先知驚,大家識做呢啦。![10521441_597689753670250_2866674785140107235_o.png //timgm.eprice.com.hk/hk/nb/img/2014-11/18/23316/unrealandy_3_1142_5fda447d4a5af45ac151e91f4693251c.png](http://timgm.eprice.com.hk/hk/nb/img/2014-11/18/23316/unrealandy_3_1142_5fda447d4a5af45ac151e91f4693251c.png)
▲香港電視 HKTV 在 11 月 19 的時間表出來了,希望每日上載一集《選戰》啦!
問題二:香港電視 HKTV 強調係「購物頻道」,咁需要用錢睇嗎?
答:未開台,版主都暫時未清楚以後需唔需要收費,但根據 HKTV 香港電視係 Facebook 既答覆,「點播頻道」是不需要收費的,只需要登入會員就睇得到。![螢幕快照 2014-11-18 上午11.55.49.png //timgm.eprice.com.hk/hk/nb/img/2014-11/18/23316/unrealandy_3_1142_76cdb2138baf5f59ef1dce914f2cd7aa.png](http://timgm.eprice.com.hk/hk/nb/img/2014-11/18/23316/unrealandy_3_1142_76cdb2138baf5f59ef1dce914f2cd7aa.png)
▲需要登記會員才可以睇到 HKTV 香港電視的「點播頻道」
問題三:如果想睇 HKTV 可以點睇?
官方提供五個方式可以睇 HKTV 香港電視,包括手機、平板、 Android TV Box 、智能電視同埋電腦,作為現代人大家總會有一部吧?下面是各個方案的連結:HKTV 香港電視 Android Apps
HKTV 香港電視 iPhone Apps
HKTV 香港電視 iPad Apps
HKTV 香港電視 Android 電視盒 .apk
HKTV 香港電視 電腦版直播連結
![螢幕快照 2014-11-18 下午12.00.59.png //timgm.eprice.com.hk/hk/nb/img/2014-11/18/23316/unrealandy_3_1142_62577fd2300c54e638b058a5ccdd88e8.png](http://timgm.eprice.com.hk/hk/nb/img/2014-11/18/23316/unrealandy_3_1142_62577fd2300c54e638b058a5ccdd88e8.png)
問題四:如果冇智能電視,想平平地係屋企大電視睇 HKTV 香港電視有咩好方法?
答:其實方案都有好幾個,例如版主 Keith 試過既 smartHKTV 機頂盒都係賣 $299,尋日版主 Eddie 亦都推薦過 $500 樓下就買到的 Android 平板,駁條 HDMI 線(需要 Mini HDMI 轉插)就可以當機頂盒用,係屋企睇直播。問題五:有冇再平啲既方案先?
答:如果手機支援到 MHL 輸出,買條 MHL 線再輸出 HDMI 其實都可以用手機輸出到電視,但網友要留意如果係用 Samsung 手機既話 MHL 線制式有點不同,不要買錯。另外如果係用緊 Galaxy S4 、Galaxy S5 、Galaxy Note3 、 Galaxy Note 4 等使用 AMOLED 屏幕的話有機會因為個別 LED 長期使用而出現「烙印」的現像,要唔要咁做自己諗過。另外,版主已經將電腦機箱搬左出大廳用 HDMI 駁電視睇
![幾個 Steps ! Sony 手機駁電視 睇足球盛事 幾個 Steps ! Sony 手機駁電視 睇足球盛事](http://timgm.eprice.com.hk/hk/mobile/img/2014-06/06/177588/eprice-edit_3_3151_9b41662ec5490a7a2a2e511519c90b22.jpg)
▲右邊的就是 MHL 線了,街價 $100 有找
問題六:香港電視 HKTV 既然係上網睇,咁樣需要好快既網速嗎?食唔食 Data?
答:其實 HKTV 香港電視官方都講過,開播首輪會用 720p 的高清解像度播放,而版主 Keith 測試過 1Mbps 的上網速度都是足夠的,換句話說有 3G 速度都睇得到,用手機/平板睇都唔會好大問題。而真正既問題係,版主測試過,睇半個小時 HKTV 最少會花 200 ~ 300MB ,如果出街睇個手機月費就好快「打爆」![3G 都睇到! HKTV 開台最少用 1Mbps 速度 3G 都睇到! HKTV 開台最少用 1Mbps 速度](http://timgm.eprice.com.hk/hk/nb/img/2014-11/17/23312/keithyim_1_1142_a36b2cdcf6dd8386f2e0a8aa8b611d41.jpg)
問題七:除左香港之外,其他地方睇到 HKTV 嗎?
答:暫時只有香港睇到,不過身在北京的版主 Eddie 用漫遊數據都竟然睇得到!換句話說可以同大家一齊去見證 HKTV 開台啦!至於版主 Eddie 去北京做乜?咪就係見證魅族 MX 4 Pro 發佈囉,同樣係 11 月 19 號既事情,大家記得留意埋啊!▲版主在北京用漫遊數據是睇到 HKTV 的,不過上次係泰國試就唔得
網友留言齊齊講:香港電視開台!你地準備點睇?
版主其實諗過 HKTV 香港電視聽日開始,網友們應該都有數之不盡既問題,不如大家又討論一下聽日開始,你地有咩準備,又有冇野想問版主們,睇下版主們可唔以做相關的教學,等大家簡單輕鬆就睇到 HKTV 吧!HKTV 香港電視相關資料:
3G 都睇到! HKTV 開台最少用 1Mbps 速度開機半分鐘即睇 HKTV ! smartHKTV 機頂盒詳細試、簡單睇
HKTV Android 手機+平板 Apps
iOS 版 HKTV Apps 下載+版主體驗談
版主推介!五舊水 Android 平板睇 HKTV