都話架啦! 樂視有份播歐洲國家盃 收費仲要平
|
數碼影音
今日 18/5 公佈奪得 2016 年歐洲國家盃播放權,將會足本播放 51 場賽事。樂視體育將會邀請東方足球隊主教練陳婉婷及香港足球代表隊隊長陳偉豪,作為星級客席評述員,兩人將會於法國訪問參賽球員及教練。同時,樂視體育派出 7 隊攝製隊到法國拍攝賽事,亦請來多位資深足球評述員加入團隊,包括蔡育瑜、何輝、李榮基、鄭兆聰、貝可泓及余溢明。
樂視嘅「歐洲國家盃」收費比起 NowTV 早前公佈非簽約價為平。若你有樂視盒子、樂視電視機或樂視手機,只要付出 $249 就可以睇盡 51 場精彩賽事,包括點播回顧及緊貼獨家花絮。若果你買過樂視產品,亦可以 $599 先買樂視 4K 盒子,呢個價會包括了 2016 歐洲國家盃、1個月超級體育組合 (英超及英國足總盃等) + 3 個月超級影視服務 (其他影視服務。不過,若果你之前已購買 1 年或以上「超級體育組合」 (英超及英國足總盃等) 新舊用戶,歐洲國家盃」已包括在內。.樂視更表示,若果睇完「歐洲國家盃」,用家可以選擇升級至一年「超級體育組合」,之前嘅 $249 或盒子價錢,就可以退番俾用家。