NowTV 狂 Sell 自家好技術
NowTV 好強調自己用緊嘅技術比對手優勝，首先，NowTV 用嘅係 IPTV 技術，透過多個地區伺服器，以 MultiCast 方式作直播，唔會好似其他 OTT 供應商 (咪即係暗示 LeSport HK) 用 UniCast 及 OTT 技術，好容易出現 Delay 或 Buffering。另外，NowTV 採用 PCCW 嘅光纖網絡作 Backup，在 QOS 即係以專門嘅頻寬，應付 NowTV 足球賽事，無論用家係足球直播個陣，係打緊 Online Game，或者 BT，都好都唔會影響到直播放果。
再鬥手機 App: 「now 足球」vs 「LeSport HK」
其實，唔駛 nowTV 講解，係電視播波大戰，樂視 LeSports HK 效果如何，大家有目共睹。不過，佢地嘅戰線由電視鬥到去手機 App。nowTV 用「now 足球 App」以一年 $990 價錢，睇足一年英超與西由嘅直播及重溫。而樂視本身都係一個價錢，包埋手機 App，若果用手機睇，效果邊個比較好？
▲ 以 Android 為例，首先 Download 呢兩個apps，NowTV apps名叫「Now 足球－英超、西甲及各大聯賽」，而樂視為「Lesports HK 」。
比功能
▲一開就知好明顯地睇到兩者嘅分別，始終 Now 足球 App (左面) 真係做足球 Apps，知道球迷諗緊咩，入到去已經睇到咩新聞、賽事直播、排行榜等等；而 Lesports HK (右面) 就入到去已經係 show 到今日有咩賽事完左，準備有咩賽事，可以俾大家去選擇直播定重播。
▲喺新聞方面，由於 Now 足球真係專做足球，所以真係可以直接睇到足球有關嘅新聞，而 Lesports HK 就大雜燴咁咩體育新聞都有，可是呢D 新聞無得分類去睇。
▲有樣野好重要嘅係 LeSports 佢地係無精華，相反 Now 足球真係有曬足球賽事嘅精華。仲有 Now 足球有針對球會及球員嘅新聞追蹤，而且會顯示過往嘅往積出黎，Lesports 都有，但要走入個賽事到搵返返黎。
▲ 頻道方面 Now足球只可以睇到 630 台，而 Lesports 都可以睇到其他嘅台，當中唔止係足球嘅新聞。
▲排行榜、射手榜大家分別不大，都顯示左大家要嘅野。
比畫質
除左功能之外，另一個最重要係畫質，不過我寫嗰陣無任何直播，我會用重播英超嘅畫質做對比，不過重播只係一個參考，真正嘅考驗應該要喺真正直播嗰陣。
▲ 左圖為 Now 足球、右圖為 LeSports HK 。因為暫時得重播睇，都未知直播係點樣，但喺重播上反而 LeSports 嘅感受會好D，可以選擇到 1080p 720p 等，如果喺 4G LTE 環境下最暢順應該係 540p 嘅設定，上到 1080p 睇應該會 lag 嘅；而 Now足球無得設定畫質，但小弟對比過 LeSports 嘅畫質，相信 Now 足球嘅重播喺 4G 環境下使用 540p 嘅畫質，不過唔排除喺 WiFi 環境下可以睇到 1080p 高清嘅畫質。
Now足球畫質
Lesports 畫質
其實用手機喺 4G LTE 環境去睇黎講都唔會對畫質有好大嘅要求，右上角都係同一個logo，可見大家都係同一個片源，但照咁睇好少時間之下都係接受到嘅畫質，我會睇到粒波去左邊，喺近鏡下咩人射球等等，但當然如果喺高空鏡頭下都係睇唔到咩球員Number去踢緊個波啦，呢個就係手機用 4G 睇嘅限制，此外大家嘅分別不大，但 NowTV 都係喺足球嘅Apps上都係搞得好過樂視嘅，基本上一個足球迷入去就已經得知唔同賽事、球會、球員嘅消息，而且射門係點精華都有齊曬。相反樂視除左無精華之外其他都係同 NowTV 一樣。此外 Now足球 Apps 限制較多，例如唔可以鏡像或以MHL 駁上電視睇，更加唔可以做 Screen Shot，睇睇下想同朋友 Share 波經都唔得。反而 LeSports HK 就可以鏡像上電視，大家都可以注意下。