開箱
講起 Walkman 呢個字，真係好耐歷史了，本 YK 第一部 Walkman 是卡式錄音帶播放機，可以隨身到處聽歌買，到後來出了 MD 再玩到手機 Walkman 後，慢慢就好似無左呢樣野咁。但歷史難以忘記，Sony 趁著 Walkman 推出 40 週年，順勢推出 NW-A105 隨身聽。
▲ 盒裝精巧簡潔，主要特點包括內置 16GB 容量（肯定唔夠玩~），Hi-Res 認證、支持 LDAC 制式等； 本 YK 手上的是非賣品 + 不能拍照版，其實姐係媒體試用版黎。
▲ 盒身側面更詳盡話你知道，NW-A105 支持什麼功能一目了然。
▲ 大大個字寫明支持高通「aptX HD」傳輸制式，而且 NW-A105 機體是「馬來西亞製造」，而條充電線就中國製造。。。
▲ 媒體試用版的盒裝跟機只有一條 USB-C 充電線，以及兩本說明書 。
▲ 登場！ 正面是一塊 3.6 吋 HD 觸控屏幕，跟 Sony mobile 相似的 Android 界面。
▲ 手上的樣板機是藍色，背殼磨砂質感非常舒服，大大個 WALKMAN LOGO 的下方就是 NFC 位，支持一觸藍牙連接。
▲ 非賣品都要認明正身，NW-A105 係馬來西亞製造啊！
▲ 機身底部從左到右分別是： 3.5mm 耳機孔、掛繩孔、USB-C 接口、microSDXC 卡槽。
▲ 整個機身外框是採用一整塊鋁金屬打磨而成，堅硬可靠之餘，亦提供舒適的冰冷感。
▲ 機身右側是一列功能鍵（從上而下）：電源鍵（屏幕開關）、音量加、音量減、下一首、播放 / 暫停、上一首、鎖定鍵。
▲ 留意按鍵如音量加、播放/暫停的凸點設計，聲稱有助你伸手入褲袋盲摸操控；但實際上我係褲裡面摸左幾分鐘，都係未摸得出一個肯定，可能手指太大了。
系統界面
NW-A105 用上特殊硬件用料和設計：例如電路板部分用上含黃金的焊料、電路板分區配置抗相互干擾、配置薄膜電容器和聲效電阻器等，都係為了儘可能提高播放效果。 軟件方面：預載 Android 9.0 系統，界面以原生風格為主，配合 Sony Walkman 的專用應用程式，整部 NW-A105 就此誕生。
▲ 開機就有 2000MB 大更新，睇更新清單見到都改善了不少 BUGS；連隨身聽的 Walkman 都有 2019 年 11 月安全更新。。。
▲ 更新完喇 ~ 睇界面唔講，仲以為佢係 Sony 最新的手機。
▲ 雖然機身列明係 16GB 型號，但實際上可用空間 10GB 都無，所以插卡係必須的；而樣本機裡面都列舉出各種 STREAMING 串流音樂 APP，網友亦可以離線收聽。
▲ 比較令我意外的是 NW-A105 用上了 4GB 記憶體。
▲ 手多多跑埋 Geekbench 4 性能測試，得分就。。。邊度有人用 Player 黎跑分 ~
▲ 而 Androbench 結果顯示如圖，連續讀寫性能不錯。
自家 Player 功能
本 YK 都知道唔少網友會問，宜家手機都聽到歌啦，做乜要另外買一部隨身聽呢？ 其實手機支持的格式、電路設計、可以提供的格式解碼、輸出功率和音質等，都有各種不同程度的缺陷。 我用某號稱從電路設計改良播歌質素的手機，對比 NW-A105 的播放效果，哪怕係聽個 Youtube、Spotify 之類，都係後者明顯優勝。
當然，Portable 比你出街用的話，仲要考慮埋環境是否嘈吵、耳機的用料和質素、音源檔案等各種因素。但從入坑第一步開始，NW-A105 內置各種針對音樂播放的功能，爲新手提供了不少額外的助力！ 當然，最好係有翻個咁上下的耳機，播放效果先能夠呈現出黎。
▲ 支持插卡可載入海量歌曲，雖然玩隨身聽機 FLAC 格式就基本盤，DSD、APE 甚至 MQA 都支持；而且機身內置各種固有的「索尼黑科技」，哪怕係睇個 Youtube 都能夠獲得音質提升！
▲ 相信 EQ 等化器應該最爲各位網友熟悉，最普通的一種調聲機制，高中低頻率的相對音量任你舞。
▲ DSEE HX 是 Sony 試圖把低解析度的歌曲例如 MP3 等，針對高頻進行實時修復到接近無損；但要注意此功能比較耗電，而且音源如果太差其實都係無乜效果。
▲ 呢個模式其實真心聽唔出有乜明顯分別，覺得低音的分析力反而無咁明顯，模模糊糊的低音，但屋企個女人話聽落去低音柔和少少無咁惡。。。
▲ 呢個「黑膠唱片處理器」好睇你個人喜好，暖聲到我覺得比較 BLUR，因爲本 YK 比較喜歡高頻冷聲。
▲ 對於一般網友如果唔熟悉調聲的話，可以試下直接開呢個 ClearAudio+ 模式， 高音、低音都會有非常明顯的強化，整首歌會好似打左興奮劑咁。
▲ 設定裏面還有一個降噪的設定，但需要配合指定的降噪耳機。所以，我就試唔到了。
上手試玩短評
使用感想
一個星期的體驗，戴住耳機 + Walkman NW-A105 聽 Spotify 離線版爲主，返工 + 放工的幾個小時音樂，偶然打開一些耗電的特效功能，大約三天就需要充電。 音質方面亦比所有手機來得要好，畢竟是專責播歌的隨身聽。 早幾十年同你講 Walkman 可以查 email 同睇地圖，我估你都會話我係白癡： NW-A105 可以用到 Android App，曾經嘗試用 GMAIL 查看電郵， 開 Google Map 查路線等，雖然慢但用得到。
輕巧的機體、高質的造工，這是本 YK 對 NW-A105 的第一感想。 用手機聽歌同 Walkman 最大的分別：前者你無辦法專心聽歌，而且音質不及後者。 獨立出來的一個隨身 PLAYER，感覺才能逃避入音樂的世界。