講緊嘅係 Amazon Prime Day 大減價！Amazon 其實已變身為全球網店，係香港都可以買得到，仲可以直接送到香港！而 Amazon Prime Day 減價貨好多，係電腦部份，我哋發現一系列筆電都好抵，最平連埋運貴一千蚊左右攪掂，仲要係真係電腦 Feel 嗰隻，即完整鍵盤，打字好爽個隻。
▲ 呢部華碩 EH21，有 14 吋屏幕，4GB RAM + 32GB eMMC 記憶卡，仲要係行 AMD E2-6110 四核心處理器，包一年 Office 360。雖然寫行 Windows 10s 但其實都可以改做免費 Windows 10 Home 。賣價連香港運費，為 US$196.74，約 HK$1573。連結在此。
▲ 呢部機有齊 Type C USB / USB 3.1 / HMDI 接口及 SD 記憶卡槽。
▲ 呢部機，ASUS Chromebook Flip C2131A 唔係行 Windows，行 Chrome OS，但卻係防水，防跌。用上 11.6 吋屏幕，用 Intel Apollo Lake N3350 CPU, 再加 4GB RAM 及 32GB 記憶體。支援 Type C 亦行到 Android Apps。賣價連香港運費為 US$261.84 , 約 HK$2094。二千蚊有防水濺鍵盤電腦，真係好難得。連結在此。
▲ 一千蚊買到文書筆電嗎? 有。呢部 ASUS Chromebook C202SA 11.6 吋屏幕，賣價只係 US$129.85 , 約 HK$1038，都係行 ChromeOS，但注意佢只係得 2GB RAM 及 16GB eMMC 記憶體，不支援 Android App，但用到不少文書 Offline App，真係至簡單嘅文書筆電呀！連結在此。
記得申請 Amazon Prime 會員
今次 Amazon 呢個優惠，只係給予 Amazon Prime 會員。香港人都可以申請 Amazon 會員，是免費的，但 Prime 會員是要每月付費。好采，首次登記送 30 日試用，即係你要享用上面講嘅 Offer 都無問題，但記得三十日前取消左佢，唔係白白付多咗錢就唔好啦！最後提醒 Amazon Prime Day 只做美國時間 17/7 要賣要快，另外係，上面講嘅幾部機，都包送貨去香港，但唔算係香港行貨，無行貨保修架！
