在發表 iPhone 12 系列四機之後，Apple 剛剛又再發表了 One More Thing，而今次嘅主角，相信係用上 Apple Silicon 自家處理器嘅 MacBook，而呢粒 Chip 就叫做 M1。首次飛甩 Intel，出自己 U 嘅 MacBook，到底又會唔會比起 Intel U MacBook 吸引？
M1 處理器有幾勁？
首先，Apple 先介紹呢粒 M1 處理器，佢哋表示呢粒 M1 處理器，係全世界最快嘅處理器，用上 5nm 制程，配合八核心 CPU，性能強之餘，而且功耗更比一般電腦更低。另外，M1 GPU 亦用上八核心架構加上最先進的技術，表現比一般 PC 電腦強 2 倍，具有全世界最快的圖像處理性能。最正係，透過 M1 處理器以及 MacOS Big Sur，你可以在 MacBook 運行 iOS 上的 App，意味住喺電腦上面有更多嘢可以玩。
MacBook Air
然後，Apple 發表首部用 M1 處理器的 MacBook：MacBook Air，因為用上 M1 處理器，CPU 性能會比之前的 MacBook Air 快 3.5 倍，而 GPU 性能亦會快 5 倍之多，速度比起今年推出的 98% PC 筆電都要快。另外，續航部分新 MacBook Air 可以進行 15 小時網頁瀏覽以及 18 小時的影片播放，是目前續航力最強嘅 MacBook Air。其他規格部分，新 MacBook Air 具有 13.4 吋 Retina 芒，支持 P3 廣色域，內置最高 16GB RAM 以及最高 2TB SSD，具有 USB 4.0 以及 Thunderbolt 插槽，並支持 Touch ID 以及 WiFi 6。
價錢部分，新 MacBook Air 賣價由 $999 美金起 (折合港幣約 $7745)，而教育價則由 $899 美金起 (折合港幣約 $6970)。
MacBook Pro
其實同 MacBook Air 有少少似，都係用上 13.3 吋 Retina 芒，支持 P3 廣色域，內置最高 16GB RAM 以及 2TB SSD，不過講 CPU 性能嘅升級，就無 MacBook Air 咁多，MacBook Air 話比之前快咗 3 倍，但 MacBook Pro 就只係快咗 2.8 倍。而最令人 Surprised 嘅，應該係續航能力，佢可以最多高達 20 小時嘅續航能力，呢個續航能力版主見到都覺得好吸引。價錢方面，Macbook Pro 賣價由 $1299 美金起 (折合港幣約 $10071)，而教育價則為 $1199 美金起（折合港幣約 $9296)。
