前言
首先比個概念大家，VAIO SE14 舊版定價係 8998 元，處理器 i5-8265U 配 8GB RAM 和 256GB SSD 儲存容量。 但黎到 VAIO SE14 2021 新版，用上 i5-1135G7 配 8GB RAM 和 512GB SSD 儲存容量，但價錢減成千，變成 7990 元？ 雖然 VAIO SE14 (2021) 玩「同殼不同涵」，但我覺得香港定價依然係黐左線地吸引。俗語有話「邊有咁大隻蛤乸隨街跳」，所以我係非常期待地同大家開箱實測，睇下係咪真係咁著數！
▲ VAIO SE14 (2021) 外盒採用一貫簡約風格，姐係乜都無。
▲ 紙箱上有一個 VAIO 的封條貼紙。
▲ 盒身貼紙列明本 YK 手上呢部機的規格。
▲ 原裝配件係跟手提保護套呀！ 早前的 VAIO E15 都有送同款套，裡面有更多圖片比大家參考。
▲ 跟機火牛輸出模式相當多樣化：20V/3.25A、15V/3A、9A/2A、5V/2A 一共四種模式。
▲ 見到 5V/2A 心水清的網友就知道，VAIO SE14 同之前一樣都係採用 USB C 接口，亦代表可以用移動電源對應相同的模式幫你部機充電，出街用機會相當方便。
▲ 機身令有獨立外盒包裝，也是一貫 VAIO 筆電的風格。
機身外觀
一部筆電「進可攻、退可守」的筆電好似 VAIO SE14 咁，重量只有 1.39kg，但 14 吋屏幕要放係室內做辦公用機都相當不錯，更重要係 I/O 齊全，唔會好似部分筆電咁要拖住隻「狗」（Dongle）咁麻煩。
▲ 同舊款一樣，VAIO SE14 金屬面蓋配上鐵灰色確實係低調地型仔。
▲ 面蓋「VAIO」光亮的標誌亦獲得保留。
▲ 底部外殼亦具有面積相當大的抽風口，「2 + 1」的大膠條亦相當實用，但防滑功能需要值得留意，稍後會再講。
▲ 值得一讚係 VAIO SE14 保留容易拆的螺絲設計，過保之後自己開蓋都相當容易。
▲ 比較特別係 SE14 採用雙結構的轉軸設計，並非一般「左右端轉軸支撐」的結構，有助提高轉軸本身的耐用度。
▲ 雖然無人想部機出事，但 SE14 的機身上亦印有維修站的聯絡電話，方便用戶隨時求救，相當貼身的做法。
▲ SE14 其中兩個喇叭在底部左右兩側。
▲ 留意翻 SE14 (2021) 版的 I/O 係有升級的：兩個 USB C Thunderbolt 4 支持 PD 和 DP 制式，左右側各一個的傳統 Type A USB接口； 機身亦具備 HDMI 1.4 輸出，最高支持 4K 30Hz 輸出模式；支持 microSD 卡讀卡器亦係 SE14 的賣點。
▲ 機身右側擁有另一個 USB A 接口，以及 3.5mm combo jack（支持 mic 和耳機兩用），而散熱出風口亦設計係右邊；如果你習慣外加滑鼠的話，右手邊會食晒熱風。
▲ 最大的屏幕開啟角度如上圖，並不能做到 180 度攤平。
▲ 一如既然的下沉式轉軸，揭開屏幕後鍵盤亦會呈現一定的傾斜度； 但需要注意係，傾斜度一旦形成，底部防滑條就會失效一半，變成屏幕邊沿的兩點防滑膠。
內部佈局
▲ 深沉銀色黑的 B、C 面，相當沉實的商務風格。
▲ 採用孤島式鍵盤設計的 C 面排列相當工整，支持背光和輕度防水濺的設計。
▲ 觸控板面積不算超大，但也足夠在 14 吋屏幕的屏幕上操作，比較有趣是 SE14 備有獨立左右鍵，而觸控板本身不支持按壓，造工亦相當紮實。
▲ 沿用同款的整合式電源鍵，具備指紋識別功能，相當方便。
▲ 鍵盤上方有兩個喇叭，聯同機體底部合組四喇叭，播放效果相當好。
▲ 見到呢個貼紙大家都會開心好多，第 11 代的 Intel 處理器，最重要當然係全新的 GPU iRIS Xe 啦 ~
▲ 舊代部分型號仲有採用 TN 屏幕，SE14 (2021) 一律採用 14 吋全高清 IPS 屏幕，而且都係採用霧面 / 磨砂面低反光設計，減低光面所產生的炫光值得一讚。
▲ SE14 (20210 左右窄邊框的設計亦獲得保留。
▲ 支持 1080p 全高清畫質的 IR 紅外線視像鏡頭，亦可以用作 Windows Hello 登入之用。
▲ 比較特別是 VAIO SE14 加入好多指示燈的設計，除了上圖所見的 「Fn」和「Caps Lock」會有燈之外，亦有語音封鎖和充電燈指示。
▲ 不論是通電、充電狀態，都會有相應的指示燈。
各項性能測試
規格一覽
▲ 手上這部 VAIO SE14 採用的是最新第 11 代 Intel 處理器 i5-1135G7，採用的是 10 nm SuperFin 制程技術。
▲ 擁有超大 8 MB Intel Smart Cache，筆電黎講算係大了。
▲ 比較特別是 BIOS 和主機板部分均由 Nexstgo 負責。
▲ 比較遺憾是 8GB 的記憶體只行單通道，生產商是 Kingston 採用 Micron 美光的 DRAM 模組。
▲ 相信大家同本 YK 一樣最感興趣的是這個全新的 iRIS Xe 核顯單元，稍後都會有性能實測。
開機速度
▲ 開機只需要 9 秒就完成系統啟動，再 26 秒就完成載入其他應用進入桌面；一共 35 秒的速度來講不算慢。
綜合性能
▲ 在 Novabench 綜合性能測試中，VAIO SE14 (2021) 獲得 1902 分。
SSD 測試
▲ 採用中國組裝廠 BIWIN 的 NVMe 固態硬碟，測試前顯示溫度的攝氏 35 度；但老實講，我對非大廠出品的固態硬碟無乜信心。
▲ 在連續讀寫結果中，VAIO SE14 (2021) 獲得 2671mB/s 和 2381mB/s 的成績；而多工隨機讀寫 （4K Q32T1）有 279mB/s 和 455mB/s 的速度，意味住存取大量而零散的檔案時，VAIO SE14 (2021) 都會有相當高速的表現，性能表現令人感到驚喜。
CPU 處理器性能
▲ 在 CINEBENCH R23 版測試中（R23 版數據開始多喇，所以之後都會繼續用 R23 版測試 ~），VAIO SE14 的 i5-1135G7 多核心獲得 5319 分，大家可以見到排名上係超越 Intel 9 代的 i9 處理器（雖然係 H 版）。
▲ 但單核心方面得分只有 1364 分，排名上連 7 代的 i7 都未超越到，但因為單核心偏弱的關係 MR Ratio 只有 3.9x ，擁有接近 4 核心的倍能表現； Cinebench 的測試結果可以見到呢粒 Intel 11 代的 i5 處理器，對比 AMD Ryzen 5 4XXXU 系的性能終於不相伯仲。
GPU 圖像處理性能
▲ 來到 GPU 測試，在 BasemarkGPU 標準測試的 4K Vulkan 1.0 測試中得到 674 分。
▲ 在 DirectX 12 測試中獲得 680 分，正呀！ 圖像處理器性能拋離晒之前 10 代核顯喇，完全係兩個世界，終於可以同 AMD 的核顯叫陣。
電力續航測試
▲ 睇個電池資料顯示是 POW-TECH（可能係華潤矽威供應），官方聲稱達 12 小時的續航力，系統檢測有 49Whr 電量，在 14 吋屏幕機型來講算不錯的電量。
▲ 利用 Imtec Battery Mark 軟件，在飛行模式下將處理器燒到全開狀態，屏幕亮度調整至最暗進行測試，跑出 5 小時 20 分的續航結果，呢個成績可以話係相當不錯。
▲ 再將 VAIO SE14 放係 WiFi 隔離唔超過 1 米距離，利用 Chrome 做播放指定的 720p 解析度 Youtube 影片；開啟省電模式，屏幕調整到最暗下播放影片，觀測一小時播放後的耗電量。
▲ 過了 60 分鐘後消耗了 13% 電量；由此推算，充滿電係可以睇片 7.7 個多小時。
總結
舊代 VAIO SE14 外觀造工都係相當吸引，可惜係當時採用的 Intel 處理器唔夠強勁，今次 Intel 反擊戰推出的 11 代處理器，正好填補呢個缺點。 從上面見到的各種測試，都可以證明 VAIO SE14 (2021) 真係「有咁大隻蛤乸隨街跳」，性能升級晒，但價錢反而平左。 而且你見唔到的硬件都有升級到，例如完全支持 WiFi 6 和藍牙 5.1 制式，TPM2.0 硬件加密功能亦齊備。
當然，本 YK 測試的只係最入門的型號，i5 / 8GB + 512GB 建議零售價 7990 元，如果你想攻頂的話價錢都只係加多兩千，就有 i7-1165G7、16GB RAM 配 1TB SSD 的組合，而 VAIO SE14 (2021) 具備 24 個月原廠保養，成個 Package 都係相當吸引。