平過香港好多
2020 年推出，Macbook Air M1 係第一代採用 M1 處理器嘅 Apple MacBook 之一，M 系理器嘅出現，係 MacBook 的最大革新，效能強之外，過咗差唔多三年，其實不少 Mac 嘅軟件都支援了 M 系處理器，令到 Macbook 的效能得以發揮。Amazon 美國今次特價的 MacBook Air M1 版是標準配置 8GB RAM + 256GB SSD，香港行貨官網賣價 HK$7799，Amazon 特價是 $749.99 美金。若果用慣用的 x 7.8 去換算，大約相等 HK$5850 左右。呢個價，我哋用追踨 Amazon 貨物價格網站查過，真係推出以嚟，最低嘅價錢。
▲ Amazon US 的蘋果專門店，標明 MacBook Air M1 由本來嘅 US$999 (HK $7819) 減至 US$749.99 (HK$5870) 七五折，若果你人在美國，呢個價，係堅抵嘅！
▲ Keepa 呢個 Amazon 賣價追踨器都寫咗，呢個價係 Record Low！
▲ 香港賣價？最平嗰間友和都係 HK$7579，蘋果產品減價一樣要蘋果批準，官方唔減，其他舖，點會減。
▲ 人在美國就堅 75 折，但用港幣結算嘅話，就變咗 HK$5982.06，計埋集運運費約 HK$200，你預真正買入價約 HK$6200 左右。以香港蘋果官網賣價做比較，Ship 過嚟香港都有八折架！Amazon US 都可以用美金付款，但香港信用卡對換價不是 HK$7.8 對 US$1，大約是 HK$8 對 US$1，所以用港幣計價，與美金計價都係差唔多，點俾錢就視乎你嘅信用卡回贈了。
要注意事項
不過，有幾件事大家要留意。首先，Amazon 美國嘅 Apple Store 係唔會直送至香港嘅，即係你要用集運。近年香港嘅海外集運公司運作已好成熟，有 Web 版，有 App 睇，用嗰陣你可以問下朋友邊間最好。你睇晒佢嘅教學，學識點樣喺 Amazon 網站填寫送貨地址等事項，就可以。之前試過運 Macbook Air ，運費會係 HK$200 樓下。而 Amazon 只要唔駛太急送貨，運去集運嘅美國倉，都係免費送貨。所以有網站介紹 Amazon Prime Day 嗰陣話，無得送貨，要問「住係美國嘅朋友幫手」係一件好無知嘅事。反而，保養問題我要講淸楚，Apple Macbook 係全球保養，即係你用嘅美國版，都可以攞去香港 Apple Store 維修。但若果你要買 Apple Care＋會有啲麻煩，但至少首一年保養就無問題嘅。送 Link 即買，ePrice 以前係，但加陣已唔係 Amazon 聯盟營銷會員，所以你去買，我哋無錢收，今次真係好嘢派街坊。留意 Amazon Prime Day 得兩日，美國時間 11/7-12/7。出文嗰陣香港時間 12/7 早上，仲有少少時間，要買就要衝，未攪過集運，就問下朋友邊間好，同埋做下功課點運作。食兩餸飯都要落街買嘅！