買三星 Galaxy Book3 Ultra 送 Xbox Series 3 連 3 個月 Pass
原來，而家百老匯推出夏日限定優惠，由即日起至 2023 年 8 月 31 日，於百老滙購買全新三星 Galaxy Book3 Ultra，就會送 Xbox Series S (價值 $2280) 以及 3 個月 Game Pass Ultimate (價值 $259)，變相你買一部電腦返屋企，要再騰出一隻手，甚至叫多個人幫手，去搬埋部遊戲機返去，咁你話係咪一隻手都唔夠用呢？不過講開又講，買電腦送遊戲機，呢個諗法都幾特別，如果你平時電腦需求好高，鍾意有咁頂級得咁頂級，Galaxy Book3 Ultra 都可能係你一個唔錯選擇。三星 Galaxy Book3 Ultra 賣價 + 規格
至於講 Galaxy Book3 Ultra 賣幾錢之前，先講咗佢硬件規格係點先。佢擁有 16 吋 WQXGA + AMOLED 屏幕，解像度為 2880 x 1800，配備最高 Intel Core i9-13900H 處理器以及 NVIDIA GeForce RTX 4070 8GB GDDR6 圖像處理器，內置最高 32GB RAM 以及 1TB NVMe SSD，並具備 76Wh 電池。另外，Galaxy Book3 Ultra 具有 2 個 Thunderbolt 4 連接埠、1 個 USB Type A 插槽、1 個 HDMI 2.0、1 個 microSD 插槽以及 1 個 3.5mm 耳機孔，並支持 Wi-Fi 6E、藍牙 5.1 等規格，同時具有 AKG 調音四喇叭。價錢方面，配備 Intel Core i7-13700H / 16GB RAM 的 Galaxy Book3 Ultra 建議零售價為 $21380，現時大舖賣價為 $19980；而配備 Intel Core i9-13900H / 32GB RAM 的 Galaxy Book3 Ultra，建議零售價則為 $26380，現時大舖沒有減價。
Xbox Series S + Game Pass Ultimate 詳情
Xbox Series S 係目前最細嘅 Xbox，支持高達 120fps，令你可以享受順暢嘅遊戲體驗，並且支持 4K 串流 Netflix 以及 Disney+ 等影片播放 (需另外加購)。而贈送 Game Pass Ultimate 可以畀你任玩超過 400 款 PC 和主機遊戲，包括《Forza Horizon 5》、《FIFA 23》、《GTA V》、《Minecraft》等等。