限時！$2400 唔使有 Nintendo Switch OLED 再送 $200 禮券！舊換新 Trade in 千七有找買到

左定坤 (Cho Ting Kwan) 2023-08-25 18:53 | 遊戲電玩

如果平時你鍾意一班人一齊打機，屋企點都應該需要有一部 Nintendo Switch，比較適合多人一齊玩，例如 Mario 系列、破壞感情系列 Overcook 等等，而如果你屋企仲未有 Switch，或者屋企有 Switch 但想升級，最近大舖有個限時優惠，就可能適合你。想知詳情，睇下文啦！

衛訊優惠買 Nintendo Switch OLED 再送 $200 電子購物券

說的是衛訊，佢哋即日起至 2023 年 9 月 11 日，推出咗一個限時優惠，首先假設你屋企一部 Swtich 都無，只要去衛訊門市或者 eShop 入手 Nintendo Switch OLED，即可用 $2359 的價錢買到，相比建議零售價嘅 $2680 平咗 $300 左右，而且仲送 $200 衛訊電子購物券，包括 $50 遊戲電子購物券 3 張，以及 $50 遊戲配件電子購物券 1 張。

另外，如果你手上本身有 Nintendo Switch 遊戲機 (不包括 Lite 型號)，去門市 Trade in 換全新 OLED 款式嘅 Switch，只需 $1659 就買得到，相比原價平咗 $1000。唔知網友又會唔會考慮呢？

OLED 版同初代版的不同

至於 OLED 版同初代 Switch 有乜唔同呢？首先 OLED 屏幕大啲，但唔代表部機大啲，喺尺寸同重量上同之前唔差好遠，主要係因為個邊芒窄咗，所以可以放到更大嘅屏幕。而屏幕係最大嘅差別，正如名字所指，佢係用咗 OLED 芒，可以提供更好嘅色準、更高對比度同埋整體更好嘅圖像性能，比起初代用嘅 LCD 芒，有更寬嘅視角。另外，OLED 版擁有比初代更好嘅支架，可以通過多角度進行調節。其他部份就係 OLED 版有 64GB，而喺聲音輸出上亦有所增強。